300 डॉक्टरांसाठी प्रशिक्षण आयोजन
उस्मानाबादः
गतवर्षी यवतमाळ जिल्ह्यामध्ये कीटकनाशक फवारणीवेळी घडलेल्या दुर्घटनेमुळे शेतकर्‍यांना जीव गमवावा लागला होता. याच पार्श्‍वभूमीवर जिल्हा प्रशासन, जिल्हा परिषद आरोग्य विभाग व सिन्झटा इंडिया लि. कंपनी यांच्या संयुक्त प्रयत्नातून डॉक्टरांचे प्रशिक्षण आयोजित करण्यात आले असून कीटकनाशक फवारणीवेळी संरक्षण कीट वापरणे गरजेचे आहे. त्याबरोबरच डॉक्टरांनी सुद्धा प्रशिक्षण घेतले पाहिजे म्हणून हे प्रशिक्षण आयोजित करण्यात आले आहे.
कीटकनाशंक फवारणी काळजी व संरक्षण जनजागृती कार्यक्रम 105 गावांमध्ये,5 हजार संरक्षण कीट, शेतकरी समुपदेशन,100 भिंतीचित्र, प्रबोधन गाडी, 300 डॉक्टर प्रशिक्षण आदी उपक्रम सिन्झटा इंडिया लि. याद्वारे करण्यात आले आहेत. अशी माहिती डॉ. के. सी. रवी, उपाध्यक्ष उद्योग स्थिरता, दक्षिण आशियाई सिन्झटा कंपनी यांनी शेतकरी बांधवांना दिली. तसेच या डॉक्टर प्रशिक्षणासाठी डॉ. व्ही. व्ही. पिल्ले. विषबाधा प्रतिबंधन तज्ञ प्रशिक्षक म्हणून लाभणार आहेत. कीटकनाशक फवारणी करताना विषबाधा झाल्यानंतर डॉक्टरांनी निदान करण्याच्या विशेष पद्धती या विषयावर या तज्ञांकडून जिल्ह्यातील डॉक्टरांना विशेष प्रशिक्षण दिले जाणार आहे. हा प्रशिक्षण कार्यक्रम शासकीय आयुर्वेदिक महाविद्यालय सभागृह, उस्मानाबाद येथे 18 जानेवारी रोजी दुपारी 3 वाजता होणार आहे.
या कार्यक्रमासाठी जिल्हाधिकारी श्रीमती दीपा मुधोळ-मुंडे, जिल्हा परिषद मुख्य कार्यकारी अधिकारी डॉ. संजय कोलते, उपसंचालक आरोग्य डॉ. एकनाथ माले, जिल्हा आरोग्य अधिकारी डॉ. एच. व्ही. वडगावे, डॉ. प्रकाश खापर्डे, अधिष्ठाता, शासकीय आयुर्वेदिक महाविद्यालय, जिल्हा माहिती अधिकारी मनोज शिवाजी सानप, डॉ. आदिनाथ राजगुरू, डॉ. प्रदिप कावरे, सिजंन्टा कंपनीचे वरूण गोयल यांची विशेष उपस्थिती राहणार आहे.तसेच निमा डॉक्टर संघटना, आयएमए डॉक्टरर्स, शासकीय आयुर्वेदिक महाविद्यालयातील डॉक्टरर्स व विद्यार्थी उपस्थित राहणार आहेत.
